Jóhann Geirharðsson fær afhentan nýjan strandveiðibát frá Seiglu

Já þið lásuð rétt. Jói Geira, eða réttara sagt Geiri RE 121, er komin á flot. Jóhann Geirharðsson eigandi flutningafyrirtækisins Jóhann Geirharðsson ehf, fékk nýlega afhentan bát sem hann hyggst nota við strandveiðar í sumar.

Báturinn er 7,5 metrar að lengd og rúmar allt að 4,2 brúttó lestir. Vélbúnaðurinn í bátnum er D4-225 hestafla hældrifsvél frá Volvo Penta. Vélin skilar bátnum vel áfram og hann hefur siglt allt að 30 mílum. Brimborg óskar Jóhanni Geirharðssyni til hamingju með þennan nýja farkost í flotanum sínum.